أصحاب انا وانت ولا

عنده مواضيع وحكايات عايز يتكلم مع حد يكون هو اللى يقدر يسمعه هو اللى يقدر يفهمه هو الل يقدر يحس بيه وهو اللى يقدر يدى له حل



احيانا بتبقى مواضيع صعب يحكيها لحد أصلا بس محتاج يتكلم يصرخ يطلع اللى جواه



ولما اللى جواه بيطلع بيحس انه استريح وان فى هم اتشال من عليه مع ان الكلام ممكن ما يكونش حل المشكله خالص بس الكلام لوحده نعمه



بس مين اللى يسمعك ويحسك ويحبك ويديك رأى ونصيحه



مش حتلاقى فى حياتك غير واحد أو اتنين تقدر تتكلم معاهم من اصحابك



والباقى ممكن يكون واحد رايح جاى معاك وانت فى واد وهو فى واد تانى



وممكن يكون واحد بتشوفه كل فين وفين ومن يومين تعرف اللى حصله ويعرف اللى حصلك فى الشهور اللى فاتت كلها لأنك حاسه وحبه وفاهمه

لو لقيت الانسان ده فى حياتك امسك فيه وأوعى تفرط فيه



خليك صبور معاه ..متنساش مافيش فى حياتك حد يفهمك غير واحد أو اتنين



مافيش حد فى حياتك مش ممكن ما تختلفش معاه بس فى الاخر برده هو ده ومافيش غيره
زمان من كام سنه كدا يعنى كنت بسمع كلمة صعب تلاقى صديق وكنت بقول مش معقول دى كلمه اوفر شويه بس طلعت صح جدا
_________________